BREADLY va clockster: 5 yil hamkorlik va sistemali o‘sish

Har yili clockster tizimiga turli davlatlardan yana ko‘proq kompaniyalar ulanmoqda. O‘zbekiston — eng faol hududlardan biri: bu yerda allaqachon o‘nlab mijozlar ishlayapti va biz aynan shu bozordagi hamkorlik bilan alohida faxrlanamiz.

BREADLY — O‘zbekistondagi mijozlarimiz orasida eng yorqin vakillardan biri. Bu biz ulashayotgan ikkinchi muvaffaqiyat hikoyasi va bunday hamkorlikdan juda faxrlanamiz. BREADLY oddiy hunarmand nonvoyxona emas — bu zamonaviy gastro joy, puxta o‘ylangan menyu, shinam atmosfera va doim rivojlanib borayotgan jamoaga ega. Kompaniya 2017-yilda ochilgan va o‘shandan beri ishonch bilan o‘sib kelmoqda: hozir BREADLY’ning 6 ta filiali bor, o‘z ishlab chiqarishi, ichki o‘quv bo‘limi va kuchli boshqaruv tizimi shakllangan.

2021-yildan beri BREADLY clockster instrumentlaridan foydalanadi — ish vaqtini hisoblashdan tortib grafik tuzish va avtomatik tabelgacha. Hamkorligimiz boshida kompaniyada atigi 40 ta xodim va 2 ta filial bor edi. Hozir esa BREADLY — 200 dan ortiq xodimga ega va tez rivojlanayotgan tarmoq. Biz birga o‘sdik, qadamma-qadam HR jarayonlarni sistemali qilib yo‘lga qo‘ydik.

Bu yil hamkorligimizga to‘rt yil bo‘ldi — endi esa hammasi qanday boshlanganini va birga qayergacha kelganimizni aytib bermoqchimiz.

BREADLY, Toshkent shahri

Clockster’dan oldin: hammasi shaxsiy nazoratda edi

2021-yilda BREADLY tarmog‘ida 2 ta filial va taxminan 40 ta xodim bor edi. O‘sha paytda ham bu shunchaki startap emas edi — kompaniya tez aylana boshlagandi. Lekin ichki jarayonlarning hammasi qo‘lda yuritilardi. Tabel, grafik, intizom nazorati — hammasi asoschining zimmasida edi.

Chalg‘ib bo‘lmasdi. Hammasi shaxsiy ishtirokni talab qilardi — kim keldi, kim kech qoldi, kim qaysi smenada turibdi. Agar hammasi ishlasin desang — o‘zing yonida turib nazorat qilishing kerak edi.

— deb eslaydi kompaniya asoschisi, Sherali Berdibaev.

BREADLY’ning o‘ziga xos tomoni — erta ish boshlashi. Filiallar ertalab soat 8 dan ochiladi, bu esa intizom va jamoaga jiddiy talab qo‘yadi. Bu kechki bar emas, yoki sekin-asta odam yig‘iladigan restoran emas. Ish kuni boshlanishiga hammasi tayyor bo‘lishi kerak: oshxona, zal, servis — va albatta, xodimlar joyida.

Shunaqa sharoitda, hatto kichkina kechikish ham mijoz yo‘qotishga olib kelishi mumkin bo‘lsa, tartibsizlikka joy yo‘q edi. Lekin raqamli tizim bo‘lmagani uchun hammasi ishonch va doimiy tekshiruvga qurilgandi: ro‘yxatlar qo‘lda solishtirilardi, soatlar aniqlashtirilardi, grafiklar Excel’da tuzilardi — va albatta, xatolar ham bo‘lardi. Bundan tashqari, qo‘lda yuritiladigan tizim ba’zida sog‘lom ish muhitini qurishga ham halaqit berardi.

Masalan, oshxonada — shef, uning “sevimlisi” su-shef bor, hamma biladi u doim kechikadi. Lekin bu aniq qayd etilmasa, faqat gap-so‘z bilan bo‘lsa, bir payt kelib shef baribir u haqida hisobot berishga majbur bo‘ladi. Bu esa jamoa ichidagi munosabatlarga ta’sir qiladi.

— deydi kompaniya asoschisi, Sherali Berdibaev.

Bunday holatlar nafaqat taranglik chiqaradi, balki hammasi halol, ochiq va shaffof bo‘lishi kerak bo‘lgan korporativ madaniyat rivojiga ham to‘sqinlik qiladi. BREADLY boshidan kuchli madaniyat va detallarga e’tibor bilan qurilgan joy edi. Lekin avtomatlashtirishsiz kengayish — boshi berk ko‘cha bo‘lishi aniq edi. Aynan o‘sha paytda clockster bilan birinchi suhbatlar boshlangan.

BREADLY jamoasi

Hammasi qanday boshlangan: Clockster tanlovi

2021-yilda clockster’ning O‘zbekistonda lokal vakili paydo bo‘ldi. Aynan u Sherali Berdibaev bilan bog‘lanib, tizim imkoniyatlarini batafsil ko‘rsatib berdi. Taklif juda vaqtida tushdi: BREADLY’da allaqachon tushunishgandi — xodimlarni qo‘lda boshqarish o‘sishni sekinlashtiryapti, oddiy HR ishlar esa juda ko‘p vaqtni olyapti.

Meni jalb qilgan tomoni shuki, clockster shunchaki tabel emas. Bu to‘liq tizim: ish vaqtini hisoblash, grafiklar, vazifalar, ta’til, avanslar, tabel — hammasi bir joyda. Ham qulay, ham shaffof.

— deydi kompaniya asoschisi, Sherali Berdibaev.

O‘sha paytda O‘zbekistonda hali ko‘p mijozlarimiz yo‘q edi. Lekin BREADLY boshqa davlatlarda clockster’ga KFC, Hardee’s, Costa Coffee kabi yirik brendlar ishonishini ko‘rdi. Bu shuni ko‘rsatdiki, tizim haqiqatan ham universal va jiddiy bizneslar uchun mos.

Bundan tashqari, biz restoran va mehmonxona biznesining ichki jarayonlarini yaxshi tushunamiz. Bu ham muhim sabab bo‘ldi: BREADLY’ning har bir filialida qanday masalalar chiqishini uzoq tushuntirib o‘tirishga hojat bo‘lmadi. Birinchi kundanoq bir xil tilda gaplashdik.

BREADLY, Toshkent shahri

Barcha jarayonlar — bitta tizimda

Clockster’ga ulanganidan beri BREADLY xodimlarni boshqarishni aniq va shaffof qilish uchun bir nechta asosiy instrumentlardan foydalanadi.

Oldin ish vaqtini hisoblash ko‘p kompaniyalardagidek qo‘lda edi: xodimlar tabelga imzo qo‘yardi, keyin administratorlar ma’lumotni jadvalga ko‘chirardi. Hozir bu jarayon avtomatik. Xodimlar kelganini va ketganini ikki xil usulda belgilaydi — geolokatsiya aniqlanadigan mobil ilova orqali va xizmat kirish joylariga o‘rnatilgan biometrik qurilmalar orqali. Belgini faqat belgilangan joyda qo‘yish mumkin, bu xatolarni yo‘q qiladi va jarayonni maksimal darajada shaffof qiladi.

BREADLY’da ish grafiklari har kimda har xil — lavozimiga, ish formatiga va filialiga qarab. clockster’da hatto eng murakkab grafiklarni ham bir necha daqiqada tuzsa bo‘ladi: smenalarni oson tahrirlash, butun bo‘limga biriktirish va barcha nozik jihatlarni hisobga olish mumkin.

Kompaniya barcha turdagi so‘rovlardan faol foydalanadi — ta’til, otgul, komandirovka, avans va boshqalar. Umumiy ovqatlanish sohasida bu funksiya juda qulay: xodim arizasini bir necha klikda yuboradi, rahbar esa darrov tasdiqlaydi. Oldin kunlab cho‘zilgan ishlar hozir bir necha daqiqada hal bo‘ladi.

Shuningdek, BREADLY Clockster’da xodimlarning to‘liq bazasini yuritadi: kontaktlar, tug‘ilgan kunlar, lavozimlar va boshqa muhim ma’lumotlar bilan. Kerakli odamni tez topish va ichki jarayonlarni soddalashtirish osonlashgan. “E’lonlar” bo‘limi orqali rahbarlar muhim yangilik va xabarlarni joylaydi, shunda har bir xodim hammasidan xabardor bo‘ladi.

Bu instrumentlarning barchasi o‘zaro bog‘langan va bitta tizim sifatida ishlaydi. Natijada tabel avtomatik shakllanadi va ma’lumotlar oylik hisoblashda inobatga olinadi.

Clockster — bu BREADLY uchun go‘yoki ajralmas xodim. U kim qachon kelganini, kimning grafigi qandayligini va qaysi so‘rovlarni tasdiqlash kerakligini aniq biladi.

— deydi kompaniya asoschisi, Sherali Berdibaev.

BREADLY jamoasi xodimi

Natijalar o‘zi gapiradi

Odatda maqolalarimizda clockster joriy qilingandan keyin kompaniya ishi qanday o‘zgarganini solishtiramiz. Lekin BREADLY holatida buni ajratib ko‘rsatib bo‘lmaydi — chunki biz bu yo‘lni boshidan birga bosib o‘tdik.

Hamkorlikni boshlaganimizda BREADLY’da 2 ta filial va 40 ta xodim bor edi. Bugun esa — 200 dan ortiq xodim va juda tez rivojlanayotgan tarmoq. Shu vaqt ichida biznes bir necha barobar o‘sdi va boshidan sistemali yondashuv bo‘lmaganida qanday bo‘lardi — tasavvur qilish qiyin.

Balki alohida katta HR jamoa kerak bo‘lardi. Balki ichki intizomni ushlab turish qiyinlashardi — demak, BREADLY’ni qadrlashlariga sabab bo‘lgan yuqori servis darajasi ham tushib ketardi. Balki o‘sish bunchalik tez bo‘lmasdi.

Clockster — bu almashtirib bo‘lmaydigan xodimga o‘xshaydi. U ishdan ketmaydi, kasal bo‘lmaydi va jamoa haqida hammasini biladi.

— deydi kompaniya asoschisi, Sherali Berdibaev.

BREADLY uchun clockster shunchaki avtomatlashtirish tizimi emas. Bu 4 yildan beri o‘sish va rivojlanishda yordam berayotgan ishonchli hamkor.

Hatto tasavvur ham qilolmayman — shu yillar davomida clockster biz uchun bajargan jarayonlarga qancha odam resursi, pul va vaqt ketardi.

— qo‘shimcha qiladi Sherali Berdibaev.

Hamkorlik boshlanganidan beri ko‘p narsa o‘zgardi — ham BREADLY’da, ham tizimning o‘zida. Clockster bizneslar bilan birga o‘sadi: yangi vazifalar chiqsa — yangi instrumentlar ham paydo bo‘ladi. Uzoq muddatli mijozlarimiz yangilanishlarga birinchi bo‘lib ega bo‘ladi va ularni ishida faol qo‘llaydi.

Mana shu haqiqiy hamkorlik — bir tomon ikkinchisining o‘sishiga yordam beradi, moslashadi va birga rivojlanadi.

BREADLY va clockster: birga — kuchliroq

Clockster faqat restoranlar uchun tizim emas. Bizni turli sohalardagi kompaniyalar tanlaydi: umumiy ovqatlanish, retail, tibbiyot, ishlab chiqarish, ta’lim, xizmat ko‘rsatish va boshqalar. Biz har xil hajmdagi bizneslar bilan ishlaymiz — bitta filialdan tortib, butun mamlakat bo‘ylab o‘nlab nuqtalargacha.

BREADLY bilan 4 yillik hamkorlik davomida shuni isbotladik: aniq va tartibli HR jarayonlar bilan o‘sish ancha oson. Birga 40 dan 200 tagacha xodimga yetdik, asosiy vazifalarni avtomatlashtirdik va yuzlab soatlarni tejadik.

Agar siz ham rutinaga emas, o‘sishga e’tibor qaratmoqchi bo‘lsangiz — biz yordam beramiz. Clockster’ga ulanib, jarayonlarni aqlli tarzda yo‘lga qo‘ying.